SUMARIÐ '25
Það er (eðlilega) kominn sumarfiðringur í mig, sem kallar fram eintóma gleði og góðar vættir. Kominn af stað með alls konar náttúrulífsmyndir eins og td nýjar fuglamyndir og myndir í ætt við gömlu árfarvegina mína, grónar heiðar og ilmandi heysátur. Já, Maríuhöfnin er öll að lifna við, allir helstu mófuglar komnir til landsins alla vega lóan, stelkurinn, jaðrakaninn og hrossagaukurinn.
En áður en náttúran tekur öll völd langar mig fyrst að kynna glænýja 12 mynda syrpu, STAKSTÓLA, einhvers konar frávik eða útúrdúr frá stólaseríunni minni, þar sem kynntir eru til sögunnar 12 ólíkir stólar eins og til dæmis prédikunarstóll, sólstóll, hjólastóll, vefstóll, barnastóll, rafmagnsstóll, ruggustóll, biskupsstóll og friðarstóll…
Læt vita af nýjum myndum um leið og þær verða til. Gott og gleðilegt sumar... allir!